«Բարսելոնայի» պաշտպան Կլեման Լանգլեի ծառայություններն առաջարկվել են «Մարսելին»՝ հաղորդում է լրագրող Էկրեմ Քյոնուրը։

27-ամյա Լանգլեն կատալոնական ակումբի ֆուտբոլիստ է 2018 թվականից։ Այս ժամանակահատվածում պաշտպանը բոլոր մրցաշարերում մասնակցել է 159 հանդիպման, որոնցում խփել է 7 գոլ, կատարել 3 արդյունավետ փոխանցում։

Լանգլեի ու «Բարսելոնայի» պայմանագիրն ուժի մեջ է մինչև 2026 թվականը։ Ավելի վաղ հաղորդվում էր, որ Ֆրանսիայի հավաքականի պաշտպանի ծառայություններով հետաքրքրված է «Տոտենհեմը»։