Ձմեռային տրանսֆերային պատուհանի ընթացքում «Մանչեսթեր Սիթիի» վինգեր Ֆերան Տորեսը տեղափոխվեց «Բարսելոնա»: Գործարքի արժեքը կազմեց 55 մլն եվրո. ևս 10 մլն էլ կարող է ավելանալ բոնուսի տեսքով՝ կախված 22-ամյա ֆուտբոլիստի ցուցադրած արդյունքներից:
«Կապտանռնագույնները» ստիպված կլինեն բոնուս վճարել «քաղաքաբնակներին», եթե Տորեսն արժանանա «Ոսկե գնդակի», «Ոսկե խաղակոշիկի» կամ հաղթի Չեմպիոնների լիգայում:
Ինչպես հաղորդում է Mundo Deportivo-ն, Ֆերանի պայմանագրում կա ավելի հավանական կետ, որը կարող է իրականանալ շատ մոտ ապագայում. եթե Լա լիգայի ընթացիկ մրցաշրջանի արդյունքներով «Բարսելոնան» տեղ զբաղեցնի լավագույն քառյակում, մանչեսթերյան թիմը 1 մլն եվրո բոնուս կստանա:
Այս պահին «կապտանռնագույնները» Իսպանիայի առաջնության մրցաշարային աղյուսակի 2-րդ տեղում են:
