«Բարսելոնայի» կիսապաշտպան Պեդրին չի կարողանա օգնել իր թիմին մինչև ընթացիկ մրցաշրջանի ավարտը։
Ֆուտբոլիստը Եվրոպա լիգայի 1/4 եզրափակիչի՝ Ֆրանկֆուրտի «Այնտրախտի» դեմ պատասխան խաղում (2:3) ձախ ազդրի երկգլուխ մկանի պատռվածք է ստացել՝ հայտնում է կատալոնական ակումբի մամուլի ծառայությունը:
Պեդրին գերմանական թիմի դեմ տնային խաղում փոխարինվել է 46-րդ րոպեին, իսկ կատալոնական թիմը դուրս է մնացել մրցաշարից:
19-ամյա իսպանացի կիսապաշտպանն ընթացիկ մրցաշրջանում բոլոր մրցաշարերում անցկացրել է 22 հանդիպում, դարձել 5 գոլի և 1 ասիստի հեղինակ:
