Մոտ ժամանակներում կսկսվեն բանակցությունները «Բավարիայի» և «Բարսելոնայի» միջև Ռոբերտ Լևանդովսկիի՝ կատալոնական ակումբ հնարավոր տեղափոխության վերաբերյալ:
Mundo Deportivo-ի հաղորդմամբ՝ «կապտանռնագույնները» հայտնել են, որ լեհ ռմբարկուի համար պատրաստ են վճարել ամենաշատը 35 մլն եվրո: 33-ամյա ֆուտբոլիստը նույնպես հակված է Կատալոնիա տեղափոխությանը և նույնիսկ պատրաստ է համաձայնել աշխատավարձի կրճատման:
Հիշեցնենք, որ Լևանդովսկիի՝ մյունխենյան գրանդի հետ գործող համաձայնագրի ժամկետն ավարտվում է 2023 թվականի հունիսի 30-ին:
Ընթացիկ մրցաշրջանում «Բավարիայի» կազմում Ռոբերտն անցկացրել է 46 հանդիպում՝ դառնալով 50 գոլի և 7 ասիստի հեղինակ: