«Բարսելոնայի» վինգեր Ուսման Դեմբելեն րոպեներ առաջ ժամանել է կատալոնական ակումբի մարզաբազա։ Ֆրանսիացին կմասնակցի թիմի այսօրվա մարզմանը՝ հաղորդում է El Chiringuito-ն:
24-ամյա ֆուտբոլիստը երեկ բաց էր թողել առավոտյան մարզումը՝ բացակայությունը պատճառաբանելով ստամոքսի խանգարումով: Ինչպես հաղորդվում է, «Բարսելոնայում» չեն հավատում, որ Դեմբելեն առողջական խնդիրներ ունի, պատրաստվում են պատժել նրան բացակայելու համար։
Հարկ է նշել, որ Դեմբելեն երկու խաղում անընդմեջ ընդգրկված չէր կատալոնական թիմի հայտացուցակում։ Պատճառն այն է, որ Ուսմանը չի ցանկանում երկարաձգել գործող պայմանագրի ժամկետը, որը կավարտվի ամռանը:
Հավելենք՝ Ուսման Դեմբելեն բազմիցս տուգանվել է մարզումներին չներկայանալու կամ դրանցից ուշանալու համար:
