«Բարսելոնան» առաջվա պես հետաքրքրված է «Լայպցիգի» իսպանացի կիսապաշտպան Դանի Օլմոյի ծառայություններով, սակայն մեկ տարով կարող է հետաձգել նրան թիմ հրավիրելու ծրագրերը՝ հաղորդում է AS-ը։
Ըստ աղբյուրի՝ խնդիրը ֆուտբոլիստի բարձր տրանսֆերային արժեքն է։ Այս պահին գերմանական ակումբը 60 մլն եվրո է պահանջում նրա դիմաց, սակայն մեկ տարի անց գինը կարող է իջնել։
Ընթացիկ մրցաշրջանում 23-ամյա Օլմոն գերմանական կազմում անցկացրած 18 խաղում դարձել է 3 գոլի ու 5 գոլային փոխանցման հեղինակ։ «Լայպցիգի» հետ նրա գործող պայմանագիրն ուժի մեջ է մինչև 2024 թվականը։