«Բարսելոնան» պատրաստ է վաճառել պաշտպան Սերժինո Դեստի, կիսապաշտպան Ֆրենկի դե Յոնգի ու հարձակվող Մեմֆիս Դեպայի տրանսֆերային իրավունքները՝ հաղորդում է Diario Sport-ը։
Ըստ աղբյուրի՝ կատալոնական ակումբը ֆինանսական խնդիրների պատճառով կդիտարկի այս ֆուտբոլիստների տրանսֆերի հարցով առաջարկներ։ Հաղորդվում է, որ «Բարսելոնան» 140 մլն եվրո կարող է վաստակել նրանց տրանսֆերային իրավունքների վաճառքից։
2021/22 մրցաշրջանում 21-ամյա Դեստը մասնակցել է 31 խաղի ու կատարել 3 գոլային փոխանցում։ 25-ամյա Դե Յոնգը 46 խաղում խփել է 4 գոլ ու կատարել 5 գոլային փոխանցում։ 28-ամյա Դեպայը 27 խաղում խփել է 13 գոլ ու կատարել 2 գոլային փոխանցում։