Եվրոպայի լիգայի քառորդ եզրափակիչի՝ «Այնտրախտի» դեմ պատասխան խաղը կարող է նոր խնդիրներ ստեղծել «Բարսելոնայի» համար:
Հիշեցնենք, որ «կապտանռնագույնները» մեծ ակտիվություն չէին ցուցաբերել տոմսեր գնելիս, ինչից օգտվել էին մրցակցի երկրպագուները: «Կամպ Նոուում» 30000 երկրպագուի աջակցությամբ «Այնտրախտը» հաղթել էր 3:2 հաշվով ու դուրս եկել կիսաեզրափակիչ:
AS-ի հաղորդմամբ՝ ՈՒԵՖԱ-ն կարող է պարտադրել «Բարսելոնային» եվրագավաթների ժամանակ մասնակիորեն փակել «Կամպ Նոուի» տրիբունաների մի հատվածը և տուգանք վճարել գերմանական ակումբի ֆաների անկարգությունների պատճառով: Խոսքը, մասնավորապես, վերաբերում է նրանց կազմակերպած «ֆայր-շոուին»:
Ըստ ՈՒԵՖԱ-ի կանոնակարգի՝ մրցակցի երկրպագուների պահվածքի համար նույնպես պատասխանատու է տնային թիմը, քանի որ հենց այդ ակումբի անվտանգության անձնակազմը պետք է հոգ տանի սահմանված կարգը պահպանելու համար:
