Լոնդոնի «Արսենալի» հարձակվող Ալեքսանդր Լակազետը կարող է կարիերան շարունակել «Բարսելոնայում»՝ հաղորդում է The Sun-ը։ Ֆրանսիացին ընթացիկ մրցաշրջանի ավարտից հետո ազատ գործակալ կդառնա։

Աղբյուրի հաղորդմամբ՝ 30-ամյա ֆուտբոլիստը մտադիր է «զինագործների» հետ պայմանագիրը լրանալուց հետո լքել անգլիական ակումբը։

Կատալոնական ակումբի գլխավոր մարզիչ Չավին Լակազետին ներառել է ցանկալի հարձակվողների թվում և ֆրանսիացին կարող է իր նախկին թիմակից Պիեռ-Էմերիկ Օբամեյանգի հետ վերամիավորվել ու հարձակման զույգ կազմել «Բարսայում»։