Այսօր ավարտվել է «Բարսելոնայի» ներկայացուցիչների ու գործակալ Իվան դե լա Պենյայի հերթական հանդիպումը։ Վերջինը կատալոնական ակումբի կիսապաշտպան Գավիի ներկայացուցիչն է։
Կողմերը քննարկել են 17-ամյա ֆուտբոլիստի պայմանագիրը երկարաձգելու հարցը, սակայն կրկին չեն կարողացել համաձայնության հասնել՝ հաղորդում է Mundo Deportivo-ն։ Սպասվում է, որ հաջորդ շաբաթ կողմերը կրկին հանդիպեն։
Գավիի պայմանագրի ժամկետը կատալոնական ակումբի հետ ուժի մեջ է մինչև 2023 թվականի հունիսի 30-ը։