«Մոնակոյի» կիսապաշտպան Օրելյեն Չուամենին ամռանը կարող է փոխել ակումբային գրանցումը՝ հաղորդում է Fichajes-ը։
Ըստ աղբյուրի՝ 22-ամյա ֆրանսիացի ֆուտբոլիստի ծառայություններով հետաքրքրված է նաև «Բարսելոնան»։ Կատալոնական ակումբը ֆուտբոլիստին թիմ հրավիրելու համար պետք է պայքարի «Ռեալի» հետ, որը երկար ժամանակ է՝ հետաքրքրված է խաղացողի ծառայություններով։
Ընթացիկ մրցաշրջանում Չուամենին «Մոնակոյի» կազմում անցկացրած 47 խաղում դարձել է 5 գոլի ու 2 գոլային փոխանցման հեղինակ։ Transfermarkt-ը 40 մլն եվրո է գնահատում ֆուտբոլիստի շուկայական արժեքը։