«Բարսելոնան» որոշել է ևս 1 տարով երկարաձգել հարձակվող Լյուկ դե Յոնգի վարձակալության ժամկետը՝ հայտնում է Diario Sport-ը:
Ֆուտբոլիստը կատալոնական ակումբ է տեղափոխվել անցյալ ամռանը «Սևիլիայից»։
Այն բանից հետո, երբ Չավին դարձավ «Բարսելոնայի» գլխավոր մարզիչը, Դե Յոնգը դուրս մնաց կատալոնական թիմի հիմնական կազմից, սակայն վերջին ամիսներին նա հաջողությամբ դրսևորում է իրեն՝ փոխարինման դուրս գալով։
Միջինում Դե Յոնգն այս մրցաշրջանում 96 րոպեն մեկ գոլ է խփում «Բարսելոնայի» կազմում, ինչը հիանալի ցուցանիշ է հիմնականում պահեստայինների նստարանից խաղը սկսող ֆուտբոլիստի համար:
31-ամյա Լյուկ դե Յոնգն ընթացիկ մրցաշրջանում բոլոր մրցաշարերում անցկացրել է 23 հանդիպում՝ դառնալով 7 գոլի հեղինակ, որից 6-ը խփել է 2022 թվականի ընթացքում:
Ավելի վաղ հաղորդվում էր, որ ֆուտբոլիստի ծառայություններով հետաքրքրված է Մադրիդի «Ատլետիկոն»:
