Լա լիգայի 33-րդ տուրում «Բարսելոնան» «Անոետայում» նվազագույն հաշվով հաղթեց «Ռեալ Սոսյեդադին»:
Sport.es-ի հաղորդմամբ՝ «կապտանռնագույնների» բժիշկը՝ Ռիկարդ Պրունան, հանդիպման ընթացքում շտապելով օգնություն ցույց տալ խաղացողներից մեկին, սայթաքել է և վնասվածք ստացել: Բժշկական հետազոտությունը ցույց է տվել, որ Պրունան պատռել է արմունկի ջլերը:
Հիշեցնենք, որ այդ խաղում կատալոնական ակումբը 3 հարկադրված փոփոխություն էր կատարել. հանդիպումը չէին կարողացել շարունակել Ռոնալդ Արաուխոն, Դանի Ալվեսն ու Ժերար Պիկեն:
Պրունան «Բարսելոնա» է վերադարձել Չավիի հետ:
