«Բարսելոնայի» երիտասարդ վինգեր Էզալզուլին մտադիր է կարիերան շարունակել «Ռոմայում»: Հունվարին 20-ամյա ֆուտբոլիստը մերժել էր հռոմեական ակումբի առաջարկը:
Calciomercato-ի հաղորդմամբ՝ մարոկկացին մտափոխվել է և սպասում է «ջալոռոսիների» զանգին:
Լա լիգայի ընթացիկ մրցաշրջանում Էզալզուլին մասնակցել է 10 հանդիպման ու դարձել 1 ասիստի հեղինակ: «Բարսելոնա Բ»-ի կազմում ֆուտբոլիստն ավելի արդյունավետ է՝ 14 խաղ, 1 գոլ և 6 ասիստ: Նա նաև մեկական գոլ է խփել Իսպանիայի գավաթի և Սուպերգավաթի խաղարկություններում:
Transfermarkt-ն Էզալզուլիի տրանսֆերային իրավունքը գնահատում է 8 մլն եվրո:
