«Բավարիան» ցանկանում է ձեռք բերել «Բարսելոնայի» կիսապաշտպան Ֆրենկի դե Յոնգի տրանսֆերային իրավունքները՝ հաղորդում է Marca-ն։
Ըստ աղբյուրի՝ մյունխենյան ակումբի ներկայացուցիչներն արդեն կապ են հաստատել 24-ամյա նիդեռլանդցու գործակալի հետ։ Եթե չստացվի կիսապաշտպանին ձմռանը թիմ հրավիրել, ապա մյունխենցիները կփորձեն դա անել ամռանը։
Հաղորդվում է նաև, որ «Բավարիայի» ու կատալոնական ակումբի միջև հարաբերությունները լարված են։
Ընթացիկ մրցաշրջանում դե Յոնգը «Բարսելոնայի» կազմում անցկացրած 25 խաղում դարձել է 1 գոլի ու 1 գոլային փոխանցման հեղինակ։