«Բարսելոնայի» նորեկ Ֆերան Տորեսն ակումբին խորհուրդ է տվել ուժեղացնել պաշտպանության ձախ եզրը։
Fichajes-ի հաղորդմամբ՝ իսպանացին «կապտառնագույնների» ուշադրությանն է հրավիրել «Մանչեսթեր Սիթիում» իր նախկին թիմակից Ալեքսանդր Զինչենկոյին։ 25-ամյա ուկրաինացու շուկայական արժեքը 25 մլն եվրո է գնահատվում։
Նրա՝ «քաղաքայինների» հետ գործող պայմանագիրն ուժի մեջ է մինչև 2024 թվականի հունիսը։ Ընթացիկ մրցաշրջանում Զինչենկոն «Սիթիի» կազմում անցկացրած 18 խաղում 2 գոլային փոխանցման հեղինակ է դարձել։