«Բարսելոնային» անհանգստացնում է վինգեր Անսու Ֆատիի շուրջ ստեղծված իրավիճակը:
Barcelona Noticias-ի հաղորդմամբ՝ կատալոնական ակումբում կարծում են, որ երիտասարդ իսպանացին «ճակատագրական սխալ» է արել՝ հրաժարվելով վնասվածքը վիրահատական միջամտությամբ բուժելուց:
Անսուն որոշել էր վերականգնողական կուրսի միջոցով բուժվել վնասվածքից, սակայն ապաքինման ավարտից հետո դեռևս պատրաստ չէ խաղալ 100%-ով:
Ըստ աղբյուրի՝ հենց դա է պատճառը, որ տաղանդավոր ֆուտբոլիստը չէր հրավիրվել Իսպանիայի հավաքական՝ մասնակցելու Ազգերի լիգայի խաղերին:
2021/22 մրցաշրջանում «կապտանռնագույնների» կազմում 19-ամյա ֆուտբոլիստը մասնակցել է 14 հանդիպման, խփել 6 գոլ ու կատարել 1 ասիստ: