Իսպանիայի գավաթի 1/16 եզրափակչում «Բարսելոնան» հաղթահարել է «Կորնելյայի» արգելքը՝ երկու գոլ խփելով լրացուցիչ ժամանակում:
Կատալոնական թիմը վերջին 8 օրում երրորդ հանդիպումն անցկացրեց, որը տեղափոխվում է լրացուցիչ ժամանակ: Այդ ընթացքում Ռոնալդ Կումանի թիմը 360 րոպե է անցկացրել խաղադաշտում:
Ավելի վաղ «բլաուգրանան» Իսպանիայի սուպերգավաթի կիսաեզրափակիչում ոչ-ոքի էր խաղացել «Ռեալ Սոսյեդադի» հետ և առավելության հասել հետխաղյա 11-մետրանոցների շնորհիվ: Եզրափակչում «Բարսելոնա» – «Ատլետիկ Բիլբաո» մրցավեճի հիմնական ժամանակն ավարտվել է 2:2 հաշվով, իսկ լրացուցիչում բասկերը հաղթանակ են կորզել (3:2):