«Բարսելոնան» ձմեռային տրանսֆերային պատուհանի ժամանակ ցանկացել է պայմանագիր ստորագրել Մյոնխենգլադբախի «Բորուսիայի» հարձակվող Ալասան Պլեայի հետ: Այս մասին հաղորդում է Bild-ը:
Ըստ այդ պարբերականի՝ կատալոնական ակումբը ֆուտբոլիստի տրանսֆերի դիմաց առաջարկել է 50 մլն եվրո: Այդուհանդերձ, գերմանական կողմը հրաժարվել է բաց թողնել իր խաղացողին, քանի որ հույսեր է կապում նրա հետ:
Պլեան 2018 թվականի ամռանը «Բորուսիա» է տեղափոխվել «Նիցայից» 23 մլն եվրոյի դիմաց: 27-ամյա հարձակվողը Բունդեսլիգայի ընթացիկ առաջնությունում մասնակցել է 22 խաղի (20-ը՝ մեկնարկային կազմում) և դարձել 8 գոլի ու 7 արդյունավետ փոխանցման հեղինակ: Ֆուտբոլիստի պայմանագիրը «Բորուսիայի» հետ գործում է մինչև 2023 թվականի ամառ:
«Բարսելոնան» առաջարկել է 2 ֆուտբոլիստի + 70 միլիոն եվրո Լաուտարոյի համար
