տուր
01 Հունվար 1970 - 19:05
- «Բարսելոնան» մտադիր է ձմեռային տրանսֆերային պատուհանի ժամանակ համալրվել նոր կենտրոնական պաշտպանով: Ինչպես հաղորդում է Sport․es-ը, կատալոնական ակումբն ընտրելու է ոչ բարձր տրանսֆերային արժեք ունեցող ֆուտբոլիստներից մեկին:
«Կապտանռնագույնների» ցուցակում են հայտնվել «Չելսիից» Անտոնիո Ռյուդիգերը, «Արսենալից» Շկոդրան Մուստաֆին և «Լիվերպուլից» Ժոել Մատիպը:
Ավելի վաղ հայտնի էր դարձել, որ «Բարսելոնան» ֆինանսական լուրջ դժվարություններ ունի: Ակումբը ֆուտբոլիստների հետ փորձել էր համաձայնության հասնել աշխատավարձերի կրճատման վերաբերյալ, սակայն կողմերն այդպես էլ չէին կարողացել ընդհանուր հայտարարի գալ:
Կա հավանականություն, որ ձմռանը թիմից կհեռանա ձախ պաշտպան Ժունիոր Ֆիրպոն: Խաղացողի ծառայություններով հետաքրքրված են «Ինտերը» և «Ատալանտան»: Ֆիրպոն Լա Լիգայի ընթացիկ առաջնությունում դեռ ոչ մի անգամ դուրս չի եկել խաղադաշտ: Նրա՝ «Բարսայից» հեռանալու դեպքում գլխավոր թիմի հայտացուցակում կընդգրկվի ակումբի երիտասարդական կազմի 17-ամյա պաշտպան Ալեխանդրո Բալդե Մարտինեսը:
Նեյմարը նորից «Բարսելոնա» վերադառնալու ցանկություն է հայտնել
