«Վալենսիայի» աջ պաշտպան Ժոաու Կանսելուն ամռանը կտեղափոխվի «Բարսելոնա», հաղորդում է Sport.es-ը: Ըստ տեղեկությունների՝ ակումբը 22-ամյա ֆուտբոլիստի հետ համաձայնեցրել է անձնական պայմանագիրը, որը կկնքվի 5 տարի ժամկետով:
Կատալոնական ակումբի և Կանսելուի գործակալ Ժորժե Մենդեշի միջև բանակցություններն ընթացել են խիստ փոխվստահության պայմաններում և տևել մի քանի շաբաթ, ինչից հետո կողմերը համաձայնության են եկել: Մենդեշը հուսով էր, որ տեղափոխությունը կարող է կայանալ արդեն հունվարին, բայց «Բարսելոնան» հասկացնել է տվել, որ այժմ պատրաստ չէ իրականացնելու տրանսֆերը:
Կողմերին մնացել է համաձայնեցնել միայն գործարքի արժեքը: Տեղեկացվում է, որ «Վալենսիան» Կանսելուի տրանսֆերի դիմաց ցանկանում է ստանալ 30 մլն եվրո:
