«Բարսելոնան» պատրաստվում է ձախ պաշտպանի դիրքում փոփոխություն կատարել: Ակումբը մոտ է Խունիոր Ֆիրպոյի տրանսֆերը վաճառելուն:
Ստացած գումարով կատալոնացիները ծրագրում են այնպիսի ձախ պաշտպան հրավիրել, ով կկարողանա Ժորդի Ալբայի հետ մրցակցել մեկնարկային կազմում խաղալու համար:
Mundo Deportivo-ն հայտնում է, որ «բլաուգրանան» դիտարկում է Խոսե Գայայի («Վալենսիա») և Մարկոս Ալոնսոյի («Չելսի») թեկնածությունները:
«Չղջիկների» ֆուտբոլիստին հնարավոր կլինի ձեռք բերել 15 միլիոն եվրոյով: Վալենսիան ֆինանսական լուրջ խնդիրներ ունի, այդ պատճառով կհամաձայնի վաճառել իր ավագներից մեկին:
Ալոնսոն շատ քիչ խաղաժամանակ է ստանում Լոնդոնում և պատրաստ է փոխել թիմը: Որոշիչ կլինի թիմի նոր գլխավոր մարզիչ Տոմաս Տուխելի կարծիքը:
