«Բարսելոնան» ստիպված կլինի սովորականից ավելի բարդ ճանապարհ անցնել Իսպանիայի սուպերգավաթի խաղարկության կիսաեզրափակիչում «Ռեալ Սոսյեդադի» դեմ կայանալիք հանդիպումից առաջ:
Խաղը կայանալու է Կորդոբա քաղաքի «Նուեվո Արկանխել» ստադիոնում:
Կատալոնական ակումբի պատվիրակությունը սկզբում պետք է Բարսելոնայից ինքնաթիռով մեկնի Սևիլիա, իսկ այդտեղից էլ ավտոբուսով ուղևորվի Կորդոբա: Սևիլիայից Կորդոբա հասնելու համար կպահանջվի մոտ 1,5 ժամ:
«Բարսելոնայի» պաշտպան Ժերար Պիկեն 2012 թվականին դժգոհություն էր հայտնել այդպիսի ուղևորության վերաբերյալ, երբ «կապտանռնագույնները» պետք է արտագնա խաղ անցկացնեին «Կորդոբայի» դեմ:
«Սևիլիա վայրէջքից հետո ավտոբուսով ուղևորվում ենք Կորդոբա: Դա երկրի հավանաբար միակ քաղաքն է, որտեղ օդանավակայան չկա»,- թվիթերյան իր էջում գրել էր Պիկեն:
«Բարսելոնայի» հայտացուցակը՝ Իսպանիայի սուպերգավաթի համար