տուր
01 Հունվար 1970 - 13:48
- «Բարսելոնան» ու Մադրիդի «Ատլետիկոն» վերջապես հաշտության եզրեր են գտել Անտուան Գրիզմանի տրանսֆերի հարցով:
Ինչպես հաղորդում է Mundo Deportivo-ն, կատալոնական ակումբը 15 մլն. եվրո է վճարել մադրիդցիներին որպես հաշտության նշան:
Ակումբների միջև տարաձայնություն էր առաջացել այն բանից հետո, երբ պարզվել էր, որ «կապտանռնագույները» անձնական պայմանագիր են կնքել Գրիզմանի հետ մարտ ամսին, երբ ֆուտբոլիստի հրաժարագինը պայմանագրով կազմում էր 200 մլն. եվրո: Մինչդեռ «Բարսան» վերջիվերջո հարձակվողին գնեց 120 մլն. եվրոյի դիմաց:
Բացի այդ,«Բարսելոնան» իրավունք է ստացել ձեռք բերելու «հնդկացիների» 5 ֆուտբոլիստի, այդ խաղացողների ցանկում են Սաուլ Նիգեսը ու Խոսե Խիմենեսը:
«Բարսան» պաշտոնապես հաստատել է, որ գումար է փոխանցել իրենց մրցակիցների հաշվեհամարին, սակայն չի հաստատել տեղեկությունը, որ դա արել է, որպեսզի «Ատլետիկոն» չհրապարակի ձեռքի տակ ունեցած փաստարկները:
