«Բարսելոնայի» պաշտպան Խուան Միրանդան տեղափոխվել է «Շալկե-04»: 19-ամյա իսպանացին գելզենկիրխենցիների կազմում վարձավճարով հանդես կգա մինչև 2020/21թթ․ մրցաշրջանի ավարտը: Այս մասին հաղորդում է գերմանական ակումբի պաշտոնական կայքը:
Միրանդան «Բարսելոնայի» սան է: Պաշտպանը «կապտանռնագույնների» գլխավոր թիմում սկսել է ելույթ ունենալ 2018 թվականից: Նա նախորդ մրցաշրջանում խաղադաշտ է դուրս եկել Իսպանիայի գավաթի խաղարկության 3 և Չեմպիոնների լիգայի գավաթի խաղարկության 1 մրցավեճում:
Երիտասարդ ֆուտբոլիստն Իսպանիայի հավաքականի կազմում մասնակցել է Երևանում այս ամռանն անցկացված Մ-19 Եվրոպայի առաջնության եզրափակիչ փուլին ու նվաճել հաղթողի կոչումը:
«Շալկե-04»-ը Գերմանիայի Բունդեսլիգայի նոր մեկնարկած առաջնությունում անցկացրել է 2 հանդիպում՝ հյուրընկալվելիս գոլազուրկ ոչ-ոքի խաղալով Մյոնխենգլադբախի «Բորուսիայի» հետ և սեփական հարկի տակ 0-3 հաշվով պարտվելով «Բավարիային»:
«Բարսելոնան» այսօրվա մարզումը սկսել է լռության րոպեով (տեսանյութ)
