«Բարսելոնայի» եզրային հարձակվող Ուսման Դեմբելեն հնարավոր է վիրահատության ենթարկվի: L’Équipe-ը տեղեկացնում է, որ 24-ամյա ֆուտբոլիստի բուժզննումը նրա մոտ աջ ադզրի վնասվածք է հայտնաբերել:
Ֆրանսիացին հնարավոր է վիրահատության ենթարկվի, ինչը նշանակում է, որ նա բաց կթողնի մոտ 3 ամիս: Կատալոնական ակումբը սպասելու է մի քանի օր, որպեսզի հասկանա ֆրանսիացու առողջական վիճակը, ինչից հետո որոշում կկայացնի վիրահատութայն վերաբերյալ:
Դեմբելեն արդեն երկու անգամ երկար ժամանակով շարքից դուրս է մնացել աջ ազդրի մկանի վնասվածքի պատճառով:
Վինգերը վնասվածք է ստացել ԵՎՐՈ-2020-ի Հունգարիա – Ֆրանսիա խաղում փոխարինման մտնելուց հետո: Սկզբում ենթադրվում էր, որ նա բաց կթողնի երեք շաբաթ:
Դեմբելեն արդեն լքել է Ֆրանսիայի հավաքականի ճամբարը:
