«Բարսելոնայի» կիսապաշտպան Միրալեմ Պյանիչը, ամենայն հավանականությամբ, կարիերան կշարունակի Իտալիայում:
Sport.es-ը տեղեկացնում է, որ կատալոնական ակումբը երեք առաջարկ է ստացել բոսնիացու վարձակալության վերաբերյալ: «Բլաուգրանային» առաջարկ են ուղարկել «Ռոման», «Յուվենտուսը» և «Ինտերը»: Այդուհանդերձ, երեք ակումբներն էլ կիսապաշտպանին զգուշացրել են, որ տեղափոխության համար նա պետք է աշխատավարձի նվազեցման գնա:
Կատալոնացիները ցանկանում են հաջորդ շաբաթվա ընթացքում ձևակերպել Պյանիչի տեղափոխությունը:
Ավելի վաղ «Բարսելոնան» 31-ամյա ֆուտբոլիստին առաջարկել էր խզել պայմանագիրը, սակայն մերժում էր ստացել: Բոսնիացին նախկինում արդեն խաղացել է «Ռոմայում» և «Յուվենտուսում»: