«Բարսելոնայի» կիսապաշտպան Անդրես Ինյեստան, որը մկանային խնդիրների պատճառով բաց էր թողել կատալոնական դերբին, այսօր վերադարձել է մարզումների: Կատալոնացիների ավագը կկարողանա իր թիմին օգնել Լա լիգայի 36-րդ տուրի «Բարսելոնա»- «Վիլյառեալ» խաղին:
Մկանային խնդիրների պատճառով «կապտանռնագույնների» ավագը բաց էր թողել «Էսպանյոլի» դեմ խաղը, որն ավարտվեց «Բարսելոնայի» հաղթանակով` 3-0 հաշվով: AS-ի փոխանցմամբ, իսպանացին այսօր մարզվել է թիմի հետ ընդհանուր ծրագրով և բողոքներ չի ունեցել:
Ընթացիկ մրցաշրջանում 32-ամյա ֆուտբոլիստը բոլոր մրցաշարերում 42 հանդիպման է մասնակցել իր թիմի կազմում՝ աչքի ընկնելով 1 գոլով և 5 գոլային փոխանցմամբ:
Հիշեցնենք, որ կատալոնացիներն այժմ գլխավորում են Լա լիգան, սակայն 2-րդ տեղում գտնվող Մադրիդի «Ռեալը» ունի մեկ խաղի առավելություն: Երկու թիմերն ունեն հավասար 81-ական միավոր: