Մյոնխենգլադբախի «Բորուսիայի» կիսապաշտպան Ֆլորիան Նոյհաուսը հայտնվել է «Բավարիայի» ուշադրության կենտրոնում: Այս մասին իր թվիթերյան էջում գրել է լրագրող Նիկոլո Սկիրան:
Ըստ նրա տեղեկությունների՝ մյունխենյան ակումբի ներկայացուցիչները բանակցություններ են սկսել Գերմանիայի հավաքականի ֆուտբոլիստի գործակալ Քրիստիան Ներլինգերի հետ: Նոյհաուսի ծառայություններով հետաքրքրված են նաև «Տոտենհեմը», «Լիվերպուլը», «Մանչեսթեր Սիթին», «Յուվենտուսն» ու Մադրիդի «Ռեալը»: Կիսապաշտպանի՝ պայմանագրով նախատեսված հրաժարագինը կազմում է 40 մլն եվրո:
23-ամյա Նոյհաուսը Բունդեսլիգայի ընթացիկ առաջնությունում մասնակցել է 23 հանդիպման և դարձել 4-ական գոլի ու արդյունավետ փոխանցման հեղինակ: Գերմանիայի հավաքականում անցկացրել է 3 խաղ և խփել 1 գոլ:
«Բավարիան» Բունդեսլիգայի ընթացիկ առաջնությունում 24 մրցավեճից հետո վաստակել է 55 միավոր ու գլխավորում է մրցաշարային աղյուսակը: Մյոնխենգլադբախի «Բորուսիան» 33 միավորով եզրափակում է լավագույն տասնյակը:
«Բավարիան» մտադիր է պաշտպանական ահեղ զույգ ստեղծել
