«Բավարիան» հետաքրքրված է «Բարսելոնայի» 2 ֆուտբոլիստի ծառայություններով:
Ինչպես եղեկացնում է AS-ը, մյունխենյան ակումբի գլխավոր մարզիչ Յուլիան Նագելսմանն իր թիմում է ցանկանում տեսնել Սերջինյո Դեստին և Սերխի Ռոբերտոյին: Աղբյուրի փոխանցմամբ՝ այդպիսով «Բավարիան» ցանկանում է ուժեղացնել պաշտպանության աջ գոտին, Ռոբերտոն էլ բազմակողմանի ֆուտբոլիստ է, որը կարող է խաղալ տարբեր դիրքերում:
Նշվում է, սակայն, որ Դեստն արդեն մերժել է «Բորուսիայի», «Մոնակոյի» և «Արսենալի» առաջարկները: ԱՄՆ-ի հավաքականի խաղացողը վստահ է՝ հաջողությունների է հասնելու «Բարսելոնայում»: