«Բավարիան» 4 տարվա պայմանագիր է առաջարկել «Բարսելոնայի» վինգեր Ուսման Դեմբելեին՝ տեղեկացնում է L'Équipe-ը:
Աղբյուրի հաղորդմամբ՝ մյունխենյան գրանդը պատրաստ է Ուսմանին տարեկան 18 միլիոն եվրո աշխատավարձ վճարել: Ֆրանսիացու՝ կատալոնական ակումբի հետ գործող համաձայնագրի ժամկետը կավարտվի հունիսին:
Ավելի վաղ հաղորդվում էր, որ ֆրանսիական ՊՍԺ-ն պայմանագիր է պատրաստել Դեմբելեի համար, որի հետ բանակցել է հունվարից: Այս մրցաշրջանում ֆրանսիացին Իսպանիայի Լա լիգայում անցկացրել է 20 հանդիպում՝ դառնալով 1 գոլի և 13 գոլային փոխանցման հեղինակ։