Կինգսլի Կոմանի հեռանալու դեպքում Մյունխենի «Բավարիան» թիմ կհրավիրի Գերմանիայի հավաքականի ու «Չելսիի» հարձակվող Տիմո Վերներին՝ հաղորդում է Bild-ը:
Տրանսֆերի համար պարարտ հող են հանդիսանում «Բավարիայի» գլխավոր մարզիչ Յուլիան Նագելսմանի ու Վերների հրաշալի փոխհարաբերությունները: Նշվում է, որ Նագելսմանն ու Վերները մինչև այժմ պահպանում են շփումը:
Հիշեցնենք, որ Վերները Նագելսմանի գլխավորությամբ ելույթ է ունեցել «Լայպցիգի» կազմում:
Կոմանի ու մյունխենյան ակումբի միջև գործող պայմանագրի ժամկետը լրանում է 2023 թվականի ամռանը: Ըստ վերջին տեղեկությունների՝ կողմերը չեն կարողանում համաձայնության գալ նոր պայմանագրի շուրջ: