«Բավարիան» հարձակվող Ռոբերտ Լևանդովսկիին հնարավոր փոխարինող է գտել Անգլիայի Պրեմիեր լիգայում՝ հայտնում է Bayern & Germany-ն։
Աղբյուրի համաձայն՝ «Էվերթոնի» հարձակվող Ռիշարլիսոնը կարող է տեղափոխվել մյունխենյան գրանդ։ Գերմանիայի չեմպիոնն արդեն բանակցություններ է սկսել 25-ամյա բրազիլացու ներկայացուցիչների հետ։ Աղբյուրը նաև ընդգծում է, Ռիշարլիսոնին նույնպես հետաքրքրում է այս մարտահրավերը՝ ուժերն ավելի բարձր մակարդակում փորձելու համար:
Ավելի վաղ 33-ամյա լեհ ռմբարկու Ռոբերտ Լևանդովսկին հայտարարել էր, որ չի երկարաձգելու պայմանագիրը մյունխենցիների հետ, որը կավարտվի 2023 թվականի հունիսին:
Պրեմիեր լիգայի ավարտվող մրցաշրջանում Ռիշարլիսոնն անցկացրել է 29 հանդիպում, խփել 9 գոլ և կատարել 5 գոլային փոխանցում։