«Բավարիան» այսօր՝ օգոստոսի 2-ին, պաշտոնապես ներկայացրել է կիսապաշտպան Լեոն Գորեցկային:
23-ամյա ֆուտբոլիստը մյունխենյան ակումբ է տեղափոխվել այս ամառ «Շալկեից» ազատ գործակալի կարգավիճակով:
Գործարքի մասին հայտարարվել էր դեռ հունվարին: Գործարքը, որը նախատեսված է 4 տարով, ուժի մեջ է մտել հուլիսի 1-ից:
«Հուսով եմ, որ կկարողանամ հաջողությունների հասնել այս ակումբի հետ: Մոտ մեկ շաբաթ քրտնաջան աշխատանք եմ կատարել գլխավոր մարզչի օգնական Պետեր Հերմանի հետ:
Ուզում եմ հանդես գալ տարբեր դիրքերում: Կարծում եմ, որ իմ ամենաուժեղ դիրքը 8 համարի դիրքն է»,- Գորեցկայի խոսքն է մեջբերում ակումբի պաշտոնական կայքը: