Մյունխենի «Բավարիան» հայտարարել է կիսապաշտպան Կինգսլի Կոմանի հետ պայմանագիրը երկարաձգելու մասին:
25-ամյա ֆրանսիացու հետ կնքված նոր պայմանագրի ժամկետը կգործի մինչև 2027 թվականի ամառ:
Հաղորդում է, որ Կոմանը տարեկան կստանա ավելի քան 17 մլն եվրո՝ առանց հարկերի։
Ընթացիկ մրցաշրջանում Ֆրանսիայի հավաքականի ֆուտբոլիստը «Բավարիայի» կազմում բոլոր մրցաշարերում անցկացրել է 17 խաղ, դարձել 5 գոլի և 2 գոլային փոխանցման հեղինակ։