Զավեշտալի դեպք է գրանցվել Բունդեսլիգայի 28-րդ տուրի՝ «Ֆրայբուրգ» - «Բավարիա» խաղում (1:4):
85-րդ րոպեից սկսած որոշ ժամանակ (մոտ 20 վայրկյան) հյուրերի 12 ֆուտբոլիստ է գտնվել խաղադաշտում, հաղորդում է Goal-ը:
Սխալմունքն առաջացել է այն բանից հետո, երբ Յուլիան Նագելսմանը կրկնակի փոփոխություն է կատարել (Կինգսլի Կոման և Կորենտին Տոլիսո), սակայն խաղադաշտից հեռացել է 1 ֆուտբոլիստ:
87-րդ րոպեին VAR-ն այդ մասին հայտնել է մրցավարին և հանդիպումը դադարեցվել է. արդյունքում խնդիրը շտկվել է, իսկ մրցավարը խաղին ավելացրել է 8 րոպե:
Sport Bild-ը չի բացառում, որ հանդիպման արդյունքը կարող է չեղարկվել: Հատկանշական է, որ սխալ փոխարինման պահին «Բավարիան» հաղթում էր 3:1 հաշվով:
FC Bayern fielded 12 players for a brief moment against Freiburg today 😅 pic.twitter.com/TfI4loqVs3
— International Champions Cup (@IntChampionsCup) April 2, 2022