«Բավարիան» երկարաձգել է Գերմանիայի հավաքականի և մյունխենյան ակումբի կիսապաշտպան Լեոն Գորեցկայի հետ գործող պայմանագրի ժամկետը։ Նոր համաձայնագիրը նախատեսված է մինչև 2026 թվականը՝ հաղորդում է մյունխենյան ակումբի պաշտոնական կայքը։
Ավելի վաղ ԶԼՄ-ները հայտնել էին, որ Գորեցկայի տարեկան աշխատավարձը գերմանական ակումբում տարեկան 12-15 մլն եվրո կկազմի։ Պաշտոնական աղբյուրները չեն բացահայտում գործարքի ֆինանսական կողմը։
Նախորդ մրցաշրջանում ֆուտբոլիստը «Բավարիայի» կազմում մասնակցել է 32 հանդիպման՝ դառնալով 8 գոլի ու 7 գոլային փոխանցման հեղինակ։
Կիսապաշտպանը մյունխենյան ակումբի գույները պաշտպանում է 2018 թվականից, իսկ նախքան այդ հանդես է եկել «Շալկեում» և «Բոխումում»
Transfermarkt-ը 70 մլն եվրո է գնահատում Գորեցկային։