«Բավարիայի» եզրային պաշտպան Ալֆոնսո Դևիսը չի մասնակցելու «ՌԲ Լայպցիգի» դեմ խաղին: Երկու թիմերը պայքարում են չեմպիոնության համար, նրանց բաժանում է 4 միավոր:
Մյունխենյան ակումբը տեղեկացնում է, որ կանադացին որակազրկվել է 2 խաղով:
20-ամյա ֆուտբոլիստը կարմիր քարտ է ստացել «Շտուտգարտի» դեմ նախորդ մրցավեճում: Նա նաև բաց է թողնելու Բեռլինի «Ունիոնի» դեմ մրցավեճը:
Ընթացիկ մրցաշրջանում Դևիսը մասնակցել է 27 խաղի, որոնցում 1 գոլ է խփել ու 2 գոլային փոխանցում կատարել: