«Բարսելոնան» հետաքրքրված է «Բավարիայի» պաշտպան Լուկա Էրնանդեսի ծառայություններով։
Diario Sport-ի հաղորդմամբ՝ կատալոնական ակումբը վաղուց է հետևում ֆրանսիացու ելույթներին, սակայն նրա բարձր տրանսֆերային արժեքը կարող է խոչընդոտ հանդիսանալ տեղափոխությանը։ Այնուամենայնիվ, «Բարսելոնայի» ղեկավարությունը չի հանձնվում և սպասում է իրադարձությունների զարգացումներին։
Գերմանական Sport1-ն էլ գրում է, որ մյունխենյան ակումբի ղեկավարությունը մտադիր չէ բաժանվել իր ֆուտբոլիստից։ Էրնանդեսի պայմանագիրը «Բավարիայի» հետ ուժի մեջ է մինչև 2024 թվականը։
Այս մրցաշրջանում 26-ամյա ֆուտբոլիստը «Բավարիայի» կազմում անցկացրած 32 խաղում դարձել է 1 գոլային փոխանցման հեղինակ։