Ինչպես արդեն տեղեկացրել ենք, ֆուտբոլի Գերմանիայի գավաթի խաղարկության 1/8 եզրափակիչում Դորտմունդի «Բորուսիան» 1։2 հաշվով պարտվել է «Սանկտ Պաուլիին»։
Ավելի վաղ՝ 1/16 եզրափակիչում, Մյունխենի «Բավարիան» էր առաջխաղացման իրավունքը զիջել Մյոնխենգլադբախի «Բորուսիային» (0:5)։
Այդպիսով՝ 2011 թվականից ի վեր՝ առաջին անգամ, «Բավարիան» և Դորտմունդի գլխավոր ակումբը ներկայացված չեն լինի երկրի գավաթի եզրափակիչում։
11 տարի առաջ պատվավոր մրցանակն առերես պայքարում վիճարկել էին «Շալկե-04»-ը և «Դույսբուրգը» (5:0)։
Հատկանշական է նաև, որ մյունխենյան և դորտմունդյան թիմերից ոչ մեկը 2006/07 մրցաշրջանից հետո առաջին անգամ չի հասել Գերմանիայի գավաթի քառորդ եզրափակիչ։