«Բավարիայի» ղեկավարությունը հանդիպել է գործակալ Մինո Ռայոլայի հետ։ Բանակցություններն անցկացվել են Մոնակոյում՝ հաղորդում է լրագրող և ինսայդեր Ֆաբրիցիո Ռոմանոն։
Բանակցությունների ժամանակ քննարկվել են «Այաքսի» երկու ֆուտբոլիստների՝ Ռայան Գրավենբերխի ու Նուսաիր Մազրաուիի տրանսֆերներն իրագործելու գործարքները։ Հաղորդվում է, որ կողմերը մոտ են համաձայնության հասնելուն։
Ընթացիկ մրցաշրջանում 19-ամյա Գրավենբերխն «Այաքսի» կազմում անցկացրած 38 խաղում դարձել է 2 գոլի ու 6 գոլային փոխանցման հեղինակ։ Կիսապաշտպանի գործող պայմանագիրն ուժի մեջ է մինչև 2023 թվականի հունիսի 30-ը։
24-ամյա Մազրաուին նիդեռլանդական ակումբի կազմում անցկացրած 32 խաղում դարձել է 5 գոլի ու 2 գոլային փոխանցման հեղինակ։ Պաշտպանի գործող պայմանագիրն ուժի մեջ է մինչև 2024 թվականը։