«Բավարիայի» նախագահ Հերբերտ Հայները հայտարարել է, որ մյունխենյան ակումբի հարձակվող Ռոբերտ Լևանդովսկին այս ամառ չի հեռանա ակումբից։
«Ռոբերտ Լևանդովսկին «Բավարիայի» հետ մինչև 2023 թվականի հունիսը գործող պայմանագիր ունի, և նա կկատարի պայամագրով սահմանված պարտավորությունները»,- Հայների խոսքն է հաղորդում Bild-ը։
Ավելի վաղ հաղորդվում էր, որ լեհ հարձակվողի ծառայություններով հետաքրքրված է «Բարսելոնան»։
Լևանդովսկին «Բավարիայի» կազմում ելույթ է ունենում 2014 թվականից։ 33-ամյա լեհ հարձակվողի պայմանագրի ժամկետն ակումբի հետ ուժի մեջ է մինչև 2023 թվականը։ Transfermarkt-ը 50 մլն եվրո է գնահատում ֆուտբոլիստի շուկայական արժեքը։
Ընթացիկ մրցաշրջանում Լևանդովսկին «Բավարիայի» կազմում անցկացրած 45 խաղում դարձել է 49 գոլի ու 7 գոլային փոխանցման հեղինակ։