Գերմանիայի հավաքականի և Մյունխենգլադբախի «Բորուսիայի» պաշտպան Մատիաս Գինտերը կարող է կարիերան շարունակել «Բավարիայում»:
Ավելի վաղ տեղեկություն կար, որ ամռանը 28-ամյա ֆուտբոլիստը ազատ գործակալի կարգավիճակով տեղափոխվելու է «Ինտեր»:
Այժմ «ներաձուրիները» լուրջ մրցակից ունեն. մյունխենյան գրանդն արդեն քառամյա պայմանագիր է առաջարկել Գինտերին, ում համար հարազատ առաջնությունում կարիերան շարունակելը հավելյալ մոտիվացիա կարող է լինել:
Բունդեսլիգայի ընթացիկ մրցաշրջանում գերմանացի պաշտպանը մասնակցել է 17 խաղի:
