ՌՊԼ-ի 26-րդ տուրում «Ռոստովը» հյուրընկալել է Մոսկվայի «Սպարտակին»:

14-րդ րոպեին փայլուն գոլային փոխանցման հեղինակ է դարձել Հայաստանի հավաքականի կիսապաշտպան Խորեն Բայրամյանը: Մեր ֆուտբոլիստը ոտնաթաթի դրսի մասով գնդակը հասցեագրել է Ռոման Տուգարևին, իսկ վերջինս էլ, անհատական բարձր վարպետություն ցուցաբերելով, բացել է հանդիպման հաշիվը:

Այս պահին ընթանում է առաջին խաղակեսի վերջնամասը, հաշիվը հավասար է՝ 1:1:

Թարմացված է, 24.04.2022թ., ժամը 19:31

Հանդիպումն ավարտվել է տանտերերի հաղթանակով՝ 3:2 հաշվով: Խորեն Բայրամյանը մասնակցել է ամբողջ խաղին: