Մայիսի 7-ից 14-ը Ռումինիայի մայրաքաղաք Բուխարեստում կայացած բազկամարտի Եվրոպայի առաջնությունում փայլուն հաջողություն է գրանցել Հայաստանի հավաքականը: Մեր թիմը ներկայացել է 7 մարզիկով և տարբեր տարիքային խմբերում նվաճել 9 ոսկե, 2 արծաթե և 3 բրոնզե մեդալ: Հայաստանի հավաքականը թիմային հաշվարկում գրավել է 2-րդ հորիզոնականը:
Հատկապես ուշագրավ է 65 կգ քաշային կարգում ելույթ ունեցող Աշոտ Ադամյանի հաջողությունը:
29-ամյա բազկամարտիկը, եզրափակիչում հաղթանակի հասնելով Թուրքիայի ներկայացուցչի նկատմամբ, 8-րդ անգամ դարձել է Եվրոպայի չեմպիոն:
Երրորդ հորիզոնականն զբաղեցրել է Ադրբեջանի ներկայացուցիչը: