ՈՒԵՖԱ-ն որոշել է Երևանում անցկացնել մինչև 21 տարեկան ֆուտբոլիստների Եվրոպայի առաջնության ընտրական մրցաշարում Բելառուսի հավաքականի մասնակցությամբ հանդիպումները։
Հայաստանի ֆուտբոլի ֆեդերացիան տեղեկացնում է, որ ՈՒԵՖԱ-ն հատուկ որոշում է կայացրել Բելառուսի ընտրանու հանդիպումները չեզոք խաղադաշտում կազմակերպելու վերաբերյալ։ Մրցավայր է ընտրվել Երևանը: Ըստ այդմ՝ մինչև 21 տարեկանների եվրոպական ստուգատեսի ընտրական D խմբի՝ Բելառուս – Կիպրոս և Բելառուս – Պորտուգալիա խաղերը տեղի են ունենալու համապատասխանաբար հունիսի 1-ին և 4-ին ՀՖՖ Տեխնիկական կենտրոն/ֆուտբոլի ակադեմիայում։
Հանդիպումներն սկսվելու են տեղական ժամանակով 17։00-ին և անցկացվելու են առանց հանդիսականների ներկայության։