Մադրիդի «Ռեալի» հարձակվող Կարիմ Բենզեման խոսել է իր նախկին թիմակից Կրիշտիանու Ռոնալդուի՝ Չեմպիոնների լիգայում սահմանած ռեկորդը գերազանցելու հնարավորության մասին:
Կրիշտիանուն միակ ֆուտբոլիստն է, որը եվրոպական ակումբային ամենահեղինակավոր մրցաշարի 1 խաղարկությունում խփել է 17 գոլ: Կարիմը մրցաշարի ընթացիկ խաղարկությունում արդեն դարձել է 15 գոլի հեղինակ:
«Ռեկորդները նախատեսված են գերազանցելու համար: Հանդիպումների ժամանակ ես միշտ տալիս եմ առավելագույնը, փորձում եմ հնարավորինս օգնել թիմին։
Գոլերն ու գոլային փոխանցումները շատ կարևոր են, բայց ամենակարևորը հաղթանակն է»,- ֆրանսիացի ռմբարկուի խոսքն է մեջբերում ՈՒԵՖԱ-ի մամուլի ծառայությունը։
Մայիսի 28-ին Մադրիդի «Ռեալը» մրցաշարի եզրափակիչում կխաղա անգլիական «Լիվերպուլի հետ»։ Հանդիպումը կկայանա Փարիզում՝ «Ստադ դը Ֆրանս» մարզադաշտում:
