Ըստ տեղեկությունների՝ Բենժամեն Մենդին հենց այս մեքենայով է բանտից տեղափոխվել Չեսթերի դատարան:
«Մանչեսթեր Սիթիի» ֆուտբոլիստ Բենժամեն Մենդին չորս ամսվա բանտարկությունից հետո գրավի դիմաց ազատ է արձակվել՝ հաղորդում է Daily Mail-ը:
Ֆրանսիայի հավաքականի ու «քաղաքայինների» պաշտպանը, որը մեղադրվում է բռնաբարության 7 և սեռական ոտնձգության 1 դեպքի համար, պահվում էր «Լիվերպուլի» Altcourse բանտում, իսկ վերջերս տեղափոխվել էր Մանչեսթերի Strangeways բանտ:
Այսօր՝ Չեսթերի դատարանում կայացած փակ լսումներից հետո, Մենդիին գրավի դիմաց ազատ արձակելու որոշում է կայացվել:
Մենդին պետք է դատարանի առաջ կանգներ այս ամիս, սակայն դատը հետաձգվել է առնվազն մինչև հունիս: