Աշխարհի 11-րդ ռակետ, իտալացի Մատեո Բերետինին հայտարարել է, որ կորոնավիրուսի դրական թեստի պատճառով չի մասնակցի «Ուիմբլդոնին»:
«Ես պետք է հայտարարեմ «Ուիմբլդոնից» դուրս գալու մասին կորոնավիրուսի դրական թեստի պատճառով:
Ունեի գրիպի նման ախտանշաններ և վերջին մի քանի օրը մեկուսացման մեջ էի: Թեև ախտանշանները սուր չէին, ես որոշեցի, որ կարևոր է այս առավոտ ևս մեկ թեստ հանձնել՝ պաշտպանելու իմ գործընկեր-մրցակիցների և մյուսների առողջությունն ու անվտանգությունը մրցաշարում:
Բառեր չունեմ՝ նկարագրելու այն ծայրահեղ հիասթափությունը, որ զգում եմ: Այս տարվա երազանքն ավարտված է, բայց ես ավելի ուժեղ կվերադառնամ:
Շնորհակալություն աջակցության համար»,- գրել է Բերետինին սոցցանցերի իր էջերում:
Հիշեցնենք, որ «Ուիմբլդոն-2021»-ում Բերետինին հասել էր եզրափակիչ, որտեղ պարտվել էր սերբ Նովակ Ջոկովիչին: Հունիսի 8-ին իտալացին առաջին շրջանում պետք է մրցեր չիլիացի Քրիստիան Գարինի հետ:
