Լա լիգայի 31-րդ տուրում «Ռեալը» վստահ հաղթանակ տոնեց «Խետաֆեի» նկատմամբ (2:0):
Հանդիպման 74-րդ րոպեին խաղադաշտ դուրս եկավ Գարեթ Բեյլը՝ փոխարինելով Բենզեմային:
Նույն պահին «Սանտիագո Բեռնաբեուն» սկսեց սուլել ուելսցուն, իսկ վերջինս թեթևակի քմծիծաղ տվեց: Ֆուտբոլիստի յուրաքանչյուր հպում գնդակին արժանանում էր սուլոցների:
Հատկանշական է, որ 2020 թվականի փետրվարից ի վեր 32-ամյա վինգերն առաջին անգամ խաղաց «Սանտիագո Բեռնաբեուում»:
Ընթացիկ մրցաշրջանում «սերուցքայինների» կազմում Բեյլն անցկացրել է 7 հանդիպում ու դարձել 1 գոլի հեղինակ:
